തുടക്കം, ഇതെന്റെ 'വെറുമെഴുത്തി'ന്റെ തുടക്കം... ബൂലോകത്തെ എന്റെ ആദ്യത്തെ കയ്യൊപ്പ് ..
ഈ എഴുത്ത് കുത്തിന്റെ പേജില്‍ കുത്തിക്കുറിക്കാന്‍ എഴുതിത്തെളിഞ്ഞ കൈപ്പടയോ ആവേശം കൊള്ളിക്കും ശൈലിയോ മനസ്സില്‍ തട്ടുന്ന വാക്കുകളോ ഒന്നും കൈവശമില്ല. അല്പം വിറയോടു കൂടിയാണെങ്കിലും ബൂലോകത്ത് കൈ വെക്കാന്‍ ഞാനും തീരുമാനിച്ചു കഴിഞ്ഞു. അതെത്ര കാലം എന്നൊന്നും ചിന്തിക്കാതെ..
ബ്ലോഗിങ്ങിന്‍റെ ബാലപാഠം പോലുമറിയില്ല, എന്ത് എങ്ങിനെ എവിടെ കുറിക്കണമെന്ന് ഒരു നിശ്ചയവുമില്ല, പേജ് സെറ്റപ്പാക്കാന്‍ ഒരു ഐഡിയയും വശമില്ല, കൂടുതല്‍ കമന്റ് നേടാനുള്ള വിദ്യകളേതുമേ പിടിയില്ല.ബ്ലോഗിങ് ട്രൈനിംഗ് ക്ലാസ്സില്‍ ചേര്‍ന്നിട്ടുമില്ല, തലങ്ങും വിലങ്ങും ബ്ലോഗ്‌ മീറ്റുകള്‍ അരങ്ങു തകര്തപ്പോഴും ഒന്നില്‍ പോലും ചെന്ന് നോക്കിയിട്ടില്ല. എന്നാലും നിങ്ങളേവരെയും പോലെ എനിക്കും ചിലതൊക്കെ എഴുതി ഇടാനുണ്ട്, 'വെറും' എഴുത്ത്, ചില കാര്യങ്ങളും!
വായന എന്നും ഒരു ഹരമായി കൂടെത്തന്നെ ഉണ്ടെങ്കിലും എഴുത്ത് എന്റെ ശീലമൊന്നുമല്ല. ഒരുങ്ങാറുമില്ല , എന്റെ ഡയറിപ്പേജുകള്‍ക്ക് വേണ്ടിയല്ലാതെ. അത് പിന്നെ എല്ലാ വര്‍ഷവും വളരെ കൃത്യമായി ആദ്യത്തെ രണ്ടു മാസം എഴുതും. പിന്നെ രണ്ടാഴ്ചയില്‍ ഒരിക്കല്‍. അതും കഴിഞ്ഞ് രണ്ടു മാസത്തിലൊരിക്കലാവും. അതങ്ങനെ അവരോഹണ ക്രമത്തില്‍ പിന്നോട്ടു തന്നെ നീങ്ങും. പിന്നെ എനിക്ക് വേണ്ടി എഴുതും, എനിക്ക് വേണ്ടി മാത്രം. ആവേശം കഴിഞ്ഞാല്‍ ആരും കാണാതെ ആരെയും കാണിക്കാതെ പീസ്‌ പീസാക്കി പറത്തി വിടും. അത്രയൊക്കെ ത്തന്നെ..
വിഷയക്രമമൊന്നും നടത്തിയിട്ടില്ല, ഒരു പലവകയാണ് ഉദ്ദേശിക്കുന്നത്. എന്റെ ചെറിയ ചിന്തകളും എളിയ അനുഭവങ്ങളും അല്പം ഓര്‍മകളും ചില്ലറ കാര്യങ്ങളും മറ്റു ചില കുറിപ്പുകളും പകര്‍ത്താം. ഇവിടുത്തെ ഫോര്‍മാലിറ്റീസ് ഒന്നും അറിയില്ല. കഴിവതും വായനക്കാരെ ബുദ്ധിമുട്ടിക്കാതെ കാര്യം നടത്തി സ്ഥലം വിട്ടോളാം.. പിന്നെ ഒരു തുടക്കക്കാരന്റെ എല്ലാ പരിമിതികള്‍ക്കും അകത്തു നിന്നും പേനയുന്തുമ്പോള്‍ ഉണ്ടായേക്കാവുന്ന അബദ്ധങ്ങള്‍ അറിയാവുന്ന നിങ്ങളോട് ഒന്ന് മാത്രം, തിരുത്താന്‍ നിങ്ങളെന്നും കൂടെയുണ്ടാവില്ലേ? അങ്ങിനെത്തന്നെ ആഗ്രഹിച്ചു കൊണ്ട് ഈ തുടക്കം തല്‍ക്കാലം ഇവിടെ ഒടുക്കട്ടെ...
ശുഭം!മംഗളം!
NB: വായിക്കാന്‍ മറന്നു പോയാലും കമന്റാന്‍ മറക്കാതെ പോകണേ...
ഈ എഴുത്ത് കുത്തിന്റെ പേജില്‍ കുത്തിക്കുറിക്കാന്‍ എഴുതിത്തെളിഞ്ഞ കൈപ്പടയോ ആവേശം കൊള്ളിക്കും ശൈലിയോ മനസ്സില്‍ തട്ടുന്ന വാക്കുകളോ ഒന്നും കൈവശമില്ല. അല്പം വിറയോടു കൂടിയാണെങ്കിലും ബൂലോകത്ത് കൈ വെക്കാന്‍ ഞാനും തീരുമാനിച്ചു കഴിഞ്ഞു. അതെത്ര കാലം എന്നൊന്നും ചിന്തിക്കാതെ..
ബ്ലോഗിങ്ങിന്‍റെ ബാലപാഠം പോലുമറിയില്ല, എന്ത് എങ്ങിനെ എവിടെ കുറിക്കണമെന്ന് ഒരു നിശ്ചയവുമില്ല, പേജ് സെറ്റപ്പാക്കാന്‍ ഒരു ഐഡിയയും വശമില്ല, കൂടുതല്‍ കമന്റ് നേടാനുള്ള വിദ്യകളേതുമേ പിടിയില്ല.ബ്ലോഗിങ് ട്രൈനിംഗ് ക്ലാസ്സില്‍ ചേര്‍ന്നിട്ടുമില്ല, തലങ്ങും വിലങ്ങും ബ്ലോഗ്‌ മീറ്റുകള്‍ അരങ്ങു തകര്തപ്പോഴും ഒന്നില്‍ പോലും ചെന്ന് നോക്കിയിട്ടില്ല. എന്നാലും നിങ്ങളേവരെയും പോലെ എനിക്കും ചിലതൊക്കെ എഴുതി ഇടാനുണ്ട്, 'വെറും' എഴുത്ത്, ചില കാര്യങ്ങളും!
വായന എന്നും ഒരു ഹരമായി കൂടെത്തന്നെ ഉണ്ടെങ്കിലും എഴുത്ത് എന്റെ ശീലമൊന്നുമല്ല. ഒരുങ്ങാറുമില്ല , എന്റെ ഡയറിപ്പേജുകള്‍ക്ക് വേണ്ടിയല്ലാതെ. അത് പിന്നെ എല്ലാ വര്‍ഷവും വളരെ കൃത്യമായി ആദ്യത്തെ രണ്ടു മാസം എഴുതും. പിന്നെ രണ്ടാഴ്ചയില്‍ ഒരിക്കല്‍. അതും കഴിഞ്ഞ് രണ്ടു മാസത്തിലൊരിക്കലാവും. അതങ്ങനെ അവരോഹണ ക്രമത്തില്‍ പിന്നോട്ടു തന്നെ നീങ്ങും. പിന്നെ എനിക്ക് വേണ്ടി എഴുതും, എനിക്ക് വേണ്ടി മാത്രം. ആവേശം കഴിഞ്ഞാല്‍ ആരും കാണാതെ ആരെയും കാണിക്കാതെ പീസ്‌ പീസാക്കി പറത്തി വിടും. അത്രയൊക്കെ ത്തന്നെ..
വിഷയക്രമമൊന്നും നടത്തിയിട്ടില്ല, ഒരു പലവകയാണ് ഉദ്ദേശിക്കുന്നത്. എന്റെ ചെറിയ ചിന്തകളും എളിയ അനുഭവങ്ങളും അല്പം ഓര്‍മകളും ചില്ലറ കാര്യങ്ങളും മറ്റു ചില കുറിപ്പുകളും പകര്‍ത്താം. ഇവിടുത്തെ ഫോര്‍മാലിറ്റീസ് ഒന്നും അറിയില്ല. കഴിവതും വായനക്കാരെ ബുദ്ധിമുട്ടിക്കാതെ കാര്യം നടത്തി സ്ഥലം വിട്ടോളാം.. പിന്നെ ഒരു തുടക്കക്കാരന്റെ എല്ലാ പരിമിതികള്‍ക്കും അകത്തു നിന്നും പേനയുന്തുമ്പോള്‍ ഉണ്ടായേക്കാവുന്ന അബദ്ധങ്ങള്‍ അറിയാവുന്ന നിങ്ങളോട് ഒന്ന് മാത്രം, തിരുത്താന്‍ നിങ്ങളെന്നും കൂടെയുണ്ടാവില്ലേ? അങ്ങിനെത്തന്നെ ആഗ്രഹിച്ചു കൊണ്ട് ഈ തുടക്കം തല്‍ക്കാലം ഇവിടെ ഒടുക്കട്ടെ...
ശുഭം!മംഗളം!
NB: വായിക്കാന്‍ മറന്നു പോയാലും കമന്റാന്‍ മറക്കാതെ പോകണേ...
